23:16 10 տարի անց Հայաստանը նոր չեմպիոն ունեցավ | |
 Իր պատմության մեջ առաջին անգամ
Հայաստանի բարձրագույն խմբի առաջնության հաղթող դարձավ Երևանի "Ուլիսը", որն այսօր հյուրընկալվելիս 2-1 հաշվով հաղթանակ տարավ մայրաքաղաքային մեկ այլ ակումբի` "Արարատի" նկատմամբ: Թեև խաղի հաշիվը հանդիպման 23-րդ րոպեին բացեցին "Արարատի" խաղացողները,
սակայն ընդամենը 3 րոպե անց "Ուլիսի" խաղացող Միխեիլ Սիմոնյանը հավասարեցրեց հանդիպման հաշվի հավասարակշռությունը:
Առաջին խաղակեսի վերջնամասում էլ Դավիթ Գրիգորյանին հաջողվեց առաջ մղել Սևադա Արզումանյանի
թիմին, որը կարողացավ մինչև խաղի ավարտը պահպանել իրեն ձեռնտու հաշիվը:Բարձրագույն խմբի առաջնության 26-րդ տուրում տարած հաղթանակից հետո Սևադա Արզումանյանի սաները ժամանակից շուտ` երկու տուր առաջ, ապահովեցին ոսկե մեդալների տիրակալի հարցը: Այսպիսով` նախորդ 2 առաջնությունների բրոնզե մեդալակիրն այս անգամ չեմպիոն դարձավ` 10 տարվա ընդմիջումից հետո կարողանալով "Փյունիկից" խլել վերջինիս համար սովորական դարձած դիրքը: Այսօր կայացած մյուս հանդիպումներում գրանցվեցին հետևյալ արդյունքները. "Շիրակ" 0-0 "Փյունիկ"
"Բանանց" 3-2 "Իմպուլս" "Միկա" 1-0 "Գանձասար" | |
|
| |
| Total comments: 0 | |