 Անգլիական "Տոտենհեմի" և Հոլանդիայի ազգային հավաքականի ավագ Ռաֆայել վան Դեր Վարտը լրագրողների հետ մամուլի ասուլիսի ժամանակ խոսել է "Չեմպիոնների լիգայի" 1/4 եզրափակիչի շրջանակներում ապրիլի 5-ին Մադրիդի "Ռեալի" հետ կայանալիք հանդիպման մասին. "Մեզ շատ դժվար երկու հանդիպումներ են
սպասվում "Ռեալի" հետ: Առաջին հանդիպումը խաղալու ենք Մադրիդում.
այնպես որ մեզ անհրաժեշտ է անպայման գոլի հեղինակ դառնալ մրցակցի հարկի
տակ, ինչպես որ արեցինք "Միլանի" հետ խաղում: Մենք մեր կազմում ունենք
Լենոնի և Բեյլի պես արագավազ ֆուտբոլիստներ, որոնց շնորհիվ մենք ուժեղ ենք,
առաջին հերթին, եզրային գրոհների ժամանակ: Երկրորդ հերթին մենք ունենք Պիտեր Քրաուչ, ով լուրջ
դիմադրություն կարող է ցույց տալ մրցակցի պաշտպաններին երկրորդ հարկում:
Ինպես երևում է, մենք, իրոք, ուժեղ ենք: Ինձ դուր է գալիս, թե ինչպես է խաղում "Ռեալը", քանի որ նրանցից ոչ մեկն իրեն չի խնայում խաղադաշտում. բոլորը խաղում են մարզիչի համար": |