15:50 Մորատտի. "Յունայթեդն, իրոք, հետաքրքրված է Սնեյդերի ծառայություններով" | |
 Իտալական Միլանի "Ինտերի" սեփականատեր ու նախագահ Մասսիմո Մորատտին միլանյան ակումբի պաշտոնական կայքին տված հարցազրույցում հաստատել է այն լուրն, ըստ որի անգլիական "Մանչեսթեր Յունայթեդը" հետաքրքրված է իր ակումբի հոլանդացի կիսապաշտպանով` Ուեսլի Սնեյդերով:"Ինտերի" պաշտոնական կայքը մեջբերում է Մորատտիի խոսքերը. "Լուրերն այն մասին, որ "կարմիր սատանաները" ցանկանում են իրենց ակումբում տեսնել մեր հոլանդացի կիսապաշտպան Սնեյդերին, համապատասխանում են իրականությանը: Որոշ թերթեր նույնիսկ գինն էին հրապարակում` 40 մլն. ֆունտ: Բայց ես դեմ եմ այդ տրանսֆերի կայացմանը: Ավելին, ես կողմ եմ, որ 26-ամյա Սնեյդերը մնա "Ինտերում" և այս ակումբում շարունակի իր մրցելույթները դեռ երկար տարիներ": Հիշեցնենք, որ "Մանչեսթեր Յունայթեդի" գլխավոր մարզիչ Սըր Ալեքս Ֆերգյուսոնն իր թիմի կազմում Սնեյդերին փոխարինող է տեսնում որպես հենակետային կիսապաշտպան Պոլ Սքոուլզի, ով մինչև այժմ չի երկարաձգել պայմանագիրը "մանկունյացիների" հետ: | |
|
| |
| Total comments: 0 | |