15:15 Տևեսը տարեկան 9 մլն. եվրո է պահանջում "Ինտերից" | |
 Իտալական Corriere dello Sport պարբերականը հայտնում է, որ անգլիական "Մանչեսթեր Սիթիի" արգենտինացի հարձակվող Կառլոս Տևեսն այցելել է Միլան, որտեղ նա պետք է քննարկեր իր` "Ինտեր" տեղափոխվելու պայմանները: Պարբերականի հաղորդած տվյալներով` արգենտինացի հարձակվողը միլանցիների ղեկավարությունից պահանջում է տարեկան 9 մլն. եվրո: Իր հերթին արգենտինացու թիմը` "քաղաքացիների" արաբ շեյխերը, հարձակվողի տրանսֆերի համար "կապույտ-սևերից" պահանջում է 40-45 մլն. եվրո, ինչպես նաև հոլանդացի տաղանդավոր կիսապաշտպան Ուեսլի Սնեյդերի տեղափոխության համաձայնություն: Իհարկե, այդպիսի պայմանները ձեռք չեն տալիս "Ինտերի" ղեկավարներին, ուստի տրանսֆերի այսպիսի ընթացքը դժվար թե իրականություն դառնա, սակայն եթե կայանա էլ, ապա այս տեղափոխությունն ամռանը տրանսֆերային պատուհանի ընթացքում կայանալիք տրանսֆերներից ամենահետաքրքրաշարժը կլինի: Հիշեցնենք, որ Տևեսի պայմանագիրը "քաղաքացիների" հետ ավարտվում է 2014թ.-ին:
| |
|
| |
| Total comments: 1 | |
|
| |