13:14 Ռոնալդու. "Բարսելոնայի" ֆուտբոլիստներն այլ մոլորակից չեն" | |
 "Չեմպիոնների լիգայի" 1/4 եզրափակչում անգլիական "Տոտենհեմի" դեմ տարած արտագնա հաղթանակից (խմբ. հանդիպումն ավարտվել է "Արքայական թիմի" նվազագույն հաղթանակով` 1-0 հաշվով, միակ գոլի հեղինակ է դարձել մադրիդցիների առաջատար Քրիշտիանո Ռոնալդուն) հետո Քրիշտիանո Ռոնալդուն նշել է, որ շատ կարևոր էր այս հաղթանակը "Բարսելոնայի" դեմ ապրիլին ու մայիսին կայանալիք մի շարք խաղերից առաջ, պորտուգալացին ասել է նաև, որ թեև կատալոնացիներն ուժեղ մրցակից են, բայց անցնել նրանց հնարավոր է: "Մենք լավ խաղ անցկացրինք "խթանների" դեմ, և տարանք երկրորդ վստահ հաղթանակը: Այս հաղթանակներով մենք ավելի ու ավելի ենք մոտենում եզրափակչին: Մեր առջև հանձնարարություն է դրված հասնել մինչև վերջ, և մենք մոտ ենք դրան: Հիմա մեզ շատ կարևոր հանդիպում է սպասվում այս շաբաթ` "Բարսելոնայի" հետ: Մրցակիցն ուժեղ է, բայց կատալոնացիներն այլ մոլորակից չեն, և մենք կարող ենք նրանց հաղթել: Նրանք լավ ֆուտբոլ են խաղում, բայցև մենք էլ վերջին խաղերում գեղեցիկ և ուժեղ խաղ ենք ցուցադրում: Կարծում եմ` մեր ուժերի սահմաններում է "Բարսելոնային" "Չեմպիոնների լիգայից" դուրս թողնելը": | |
|
| |
| Total comments: 2 | |
|
| |