Ինչպես հայտնի է, Բերբատովը բազմիցս է նշել, որ ցանկանում է մնալ և կարիերան ավարտել "Յունայթեդում": Հարձակվողը հույս ունի, որ նրան կառաջարկեն նոր պայմանագիր ավելի բարելավված պայմաններով, բայց ինչպես հայտնում է The Independent թերթը, անգլիական ակումբը չի շտապում բուլղար հարձակվողի ներկայիս պայմանագիրը երկարաձգել ևս մեկ տարով:

Մյուս անգլիական ԶԼՄ-ները ավելի վճռական են տրամադրված այս հարցում: Օրինակ, The Sun և Daily Star պարբերականները նշում են, որ Բերբատովը որոշել է արագացնել իր հեռանալու գործընթացը, իսկ ահա Daily Mirror պարբերականը հայտնում է, որ "Յունայթեդը" կարող է օգտագործել Բերբատովին "Տոտենհեմի" հենակետային Լուկա Մոդրիչի հետ փոխանակման համար:

Մյուս կողմից, ինչպես հայտնում է The Times շաբաթաթերթը, Սըր Ալեքս Ֆերգյուսոնը ակումբի ղեկավարներին խոստացել է մնալ ևս 3 տարի: Այդ մնացած 3 տարիների ընթացքում շոտլանդացի մասնագետը հույս է հայտնել իր թիմի հետ հերթական անգամ նվաճել "Չեմպիոնների գավաթը", որի նվաճումը "մանկունիացիների" համար վերջին տարիներին դարձել է մի փոքր դժվարլուծելի խնդիր: