19:24 Ռոնալդոն իր հրաժեշտի խաղն է անցկացրել Բրազիլիայի հավաքականի կազմում | |
 Լեգենդար հարձակվող Ռոնալդոն, ով անցած ձմեռ ավարտել է ֆուտբոլային կարիերան, Ռումինիայի հետ ընկերական հանդիպման ժամանակ հրաժեշտ է տվել Բրազիլիայի հավաքականին: Հարձակվողը խաղադաշտում է անցկացրել առաջին խաղակեսի վերջին 15 րոպեն: Ռոնալդուի հետխաղյա հարցազրույցը մեջբերում է AP պարբերականը. "Շնորհակալություն բոլորին, ովքեր իմ կարիերայի 18 տարիների ընթացքում ինձ ոգևորել են: Երբ ես լացում էի, դուք լացում էիք ինձ հետ միասին, երբ ես ժպտում էի, դուք նույնպես ժպտում էիք":Վերջում հավելենք, որ 34-ամյա Ռոնալդոն Բրազիլիայի հավաքականի կազմում 4 անգամ մեկնել է աշխարհի առաջնության խաղերին և 2 անգամ ճանաչվել չեմպիոն: Բացի այդ, նա 15 գոլերով համարվում է նշված առաջնության պատմության ռմբարկուն: Հավաքականի կազմում անցկացրած 97 խաղերում դարձել է 62 գոլի հեղինակ: Այս ցուցանիշով նա զիջում է միայն իր հայրենակից Պելեին:
| |
|
| |
| Total comments: 0 | |