15:19 Հարցազրույց Ռոբերտո Կառլոսի հետ | |
 Ռուսական realmadrid.ru կայքի հեղինակներից մեկը, ով նաև խոստովանում է, որ հանրահայտ և արագավազորդի հիանալի տվյալներ ունեցող Ռոբերտո Կառլոսի երկրպագուն է մանկուց, հարցազրույցի է կանչել իր կուռքին, իսկ վերջինս էլ չի ցանկացել մերժել իր մոլի երկրպագուին:Ինչո՞վ էին տարբերվում իրարից քո ժամանակների "Ինտերը" և "Ռեալը": Առանձնապես ոչնչով: Միլանը և Մադրիդը նմանատիպ քաղաքներ են: Երկու ակումբների կառուցվածքն էլ նույնն էր: Իսկ գրանդների մոտ, ինչպես միշտ, նպատակը մեկն է. միշտ հաղթել: Հիշում եմ, երբ առաջին անգամ մտա հանդերձարան, ամբողջ թիմն այնտեղ էր, իսկ առաջինը ձեռքս սեղմեց Կլարենս Զեեդորֆը: Ու՞մ հետ շուտ մտերմացար: Կլարենսի: Հիշու՞մ ես "Ռեալի" կազմում քո առաջին գոլը: Իհարկե, առաջինը խփեցի "Դեպորտիվոյին": Ոչ մեկին չնվիրեցի այդ գոլը, քանի որ այն առաջինն էր և պետք է հիշվի իմ ամբողջ կյանքում: Առաջին մրցաշրջանում դժվա՞ր էր տուգանայինը հարվածելու իրավունք ստանալ: Այո, իհարկե դժվար էր. այդ ժամանակ տուգանայիններն իրացնում էին Զեդորֆը կամ Միյատովիչը: Պատմիր "Ռեալում" քո խաղընկերների մասին: Ո՞ւմ հետ էին քո հարաբերություններն ավելի ջերմ ու մտերիմ: Զեդորֆը և Ռոնալդոն իմ լավագույն ընկերներն են: Ինչպիսի՞ն էր Ռաուլը: Ռաուլը բոլորի կուռքն է և հրաշալի մարդ: Մադրիդից հեռանալուց հետո ինչքանո՞վ են հետաքրքիր "Ռեալի" հանդիպումները: Ես դիտում եմ բոլոր հանդիպումները: Իսկ Գանզոն և Նեյմարը պատրա՞ստ են Եվրոպա տեղափոխվելուն: Վաղուց են պատրաստ: Եթե "Ռեալը" ձեռք բերի նրանց, ապա չի սխալվի: Դու քո տեսած խաղերը դատելով՝ կասե՞ս. որ "Բարսան" այսօր լավագույնն է աշխարհում, թե՞ դա չափազանցված է: Միանշանակ այսօր "Բարսան" լավագույնն է: Չե՞ս կարծում, որ "Բարսան" կարող էր ավելի լավը լինել, եթե չլինեին այդ սիմուլյացիաները, որոնք արդեն ձանձրացրել են ֆուտբոլային աշխարհին: Սա ֆուտբոլ է: Այդպես եղել է միշտ և կլինի: Հիմա մի փոքր բլից: Ասա այն պատասխանը, որն առաջինը մտքովդ կանցնի: Լավագույն մարզիչը: Կապելլո: Լավագույն խաղընկերը: Ռոնալդո: "Սանտիագո Բեռնաբեու": Ամբողջ պատմությունս ներսում է: "Էլ Կլասիկո": Միշտ բուռն էմոցիաներ: Ռաուլ: Տիպար, ինչպես խաղադաշտում, այնպես էլ նրա սահմաններից դուրս: Վիսենտե դել Բոսկե: Բոլոր ֆուտբոլիստների հայրը: Մեսսի: Աշխարհի լավագույն ֆուտբոլիստ: Քրիշտիանու Ռոնալդու: Կարող է լինել ավելի լավը: Զիդան: Վարպետ: Հիասթափություն: Պարտվել "Բարսելոնային": Ռուսաստան: Նոր կյանք: Պարտություն "Սանտիագո Բեռնաբեուում” "Բարսելոնայից" 0-3 հաշվով: Այդ ժամանակ մենք արժանի էինք: Ռոբերտո Կառլոս: Միշտ ուրախ: | |
|
| |
| Total comments: 1 | |
|
| |