21:51 Բաջիոն արդեն մարզչական արտոնագիր ունի | |
 Ինչպես նշում է La
Repubblica թերթը, իտալացի հանրահայտ ֆուտբոլիստ Ռոբերտո Բաջոն մի շարք մասնագիտական քննություններ հանձնելուց հետո ՈՒԵՖԱ-ի
երկրորդ կարգի մարզչական արտոնագիր է ստացել: Միևնույն ժամանակ հարկ է նշել, որ նման կարգի
փաստաթուղթը 1994թ.-ի Աշխարհի փոխչեմպիոնին հնարավորություն չի տալիս
մարզելու Իտալիայի "Ա Սերիայի" թիմերից որևէ մեկին:Հավելենք, որ այդպիսի արտոնագիրը հնարավորություն է տալիս գլխավորելու միայն Իտալիայի այն ակումբները, որոնք հանդես են գալիս կարգով երրորդը համարվող լիգայում, ինչպես նաև երիտասարդական թիմերը: Միևնույն ժամանակ, այսուհետ Բաջոն իրավունք ունի զբաղեցնելու Իտալիայի "Ա" և "Բ" Սերիաների ցանկացած ակումբի գլխավոր մարզչի օգնականի պաշտոնը: Հիշեցնենք նաև, որ Ռոբերտո Բաջոն ներկայումս հանդիսանում է Իտալիայի ֆուտբոլի ֆեդերացիայի տեխնիկական բաժնի ղեկավարը: | |
|
| |
| Total comments: 0 | |