 Մադրիդի "Ռեալի" աստղային խաղացող Քրիշտիանու Ռոնալդուն երեկ հայտարարել է, որ ինքը կարող է օրերից մի օր կրկին հայտնվել անգլիական "Պրեմիեր լիգայում": Ռոնալդուի խոսքերը մեջբերում է հանրահայտ Goal.com կայքը. "Միշտ պետք է հաղթանակների ձգտել: Հենց դա է պատճառը, որ մենք ցանկանում ենք հաղթել "Իսպանիայի սուպերգավաթը": Հիմա մենք Չինաստանում ենք, և թիմը լավ նախապատրաստություններ է տեսնում այդ կարևոր խաղից առաջ: Այստեղ մենք պատրաստվում ենք "Բարսելոնայի" հետ խաղերին: Արդյո՞ք ես օրերից մի օր կվերադառնամ Անգլիա: Կարծում եմ՝ դա շատ հնարավոր զարգացում է իմ կարիերայում, բայց դեռ ես շատ անելիքներ ունեմ Մադրիդում՝ իմ սիրելի "Ռեալում",-այս կերպ է ավարտել իր ելույթը Ռոնալդուն: |