15:00 Պելեն հնարավոր է խաղա Աշխարհի ակումբային առաջնությունում | |
 Բրազիլական "Սանթոս" ակումբի մարքեթինգի գծով տնօրեն Արմեիու Նետուն չի բացառում, որ Աշխարհի ակումբային առաջնությանը Պելեն կարող է հանդես գալ "Սանթոսի" կազմում: Ինչպես հայտնում է Folha de Sao Paulo լրատվամիջոցը, 70-ամյա բրազիլացի լեգենդի վերադարձը հնարավոր է, եթե թիմը հասնի մինչև եզրափակիչ և հանդիպի իսպանական "Բարսելոնայի" հետ: Նետուի կարծիքով` Պելեի և "կապտանռնագույնների" հարձակվող Լիոնել Մեսսիի հանդիպումը խաղադաշտում մեծ եկամուտներ կբերեն այդ մրցաշարից, որը տեղի կունանա Ճապոնիայում` 2011թ.-ի դեկտեմնբերի 8-ից 18-ն ընկած հատվածում: "Կասկած անգամ չունեմ դրանում, բայց ամեն ինչ կախված է լինելու գլխավոր մարզչից: Եթե Պելեն կարողանա թիմին ոգեշնչել, ապա, ինչո՞ւ ոչ",-ասել է Նետուն: Իսկ ահա բրազիլական ակումբի նախագահ Լուիս Ալվարու Ռիբեյրուն նույնպես նշել է, որ այդ հարցի վերջնական որոշումը կախված է թիմի գլխավոր մարզչից` Մուրիսի Ռոմալյուից: "Մեզ դեռ անհրաժեշտ է իմանալ, թե ինչ կորոշի մարզիչը: Նույնիսկ, եթե Պելեն սկսի մարզվել, միևնույն է ամբողջ խաղին նա չի կարող մասնակցել, բայց հնարավոր է, որ Պելեն խաղի վերջում խաղադաշտ մտնի, օրինակ, որպեսզի 11 մետրանոց հարվածը իրացնի",-նշել է Ռիբեիրուն:
| |
|
| |
| Total comments: 0 | |