23:59 Ջիլարդինոն տեղափոխվում է "Ջենոա" | |
 Ինչպես հայտնում է իտալական La Gazzetta dello Sport պարբերականը, "Ֆիորենտինայի" իտալացի 29-ամյա հարձակվող Ալբերտո Ջիլարդինոն շատ մոտ է "Ջենոա" տեղափոխվելուն: "Ջենոայի" ղեկավարները պատրաստ են խաղացողի համար 12 մլն եվրո վճարել, այսինքն` այնքան, որքան "մանուշակներն" են ցանկանում որպես փոխհատուցում ստանալ իրենց խաղացողի համար: Ինչպես տեղեկացնում է պարբերականը, երեկ Ջիլարդինոն ու "Ջենոայի" նախագահ Էնրիկո Պրեցիոզին հանդիպել են և խաղացողի անձնական պայմանագրի հարցով նախնական համաձայնություն կնքել: Սպասվում է, որ Ալբերտոն 5-ամյա պայմանագիր է ստորագրելու "Ջենոայի" հետ, իսկ համաձայն նոր կնքված պայմանագրի` իտալացի խաղացողը կստանա 1.6 մլն եվրո: Նշենք նաև, որ Ջիլարդինոյի ծառայություններով հետաքրքրվում էին նաև ֆրանսիական "Մարսելը", "ՊՍԺ"-ն ու իսպանական "Վիլյառեալը":
| |
|
| |
| Total comments: 0 | |