 Անգլիական "Քուինզ Պարկ Ռեյնջերս" ակումբը օրերս վարձակալական հիմունքներով ձեռք է բերել "Մանչեսթեր Յունայթեդի" բրազիլացի երիտասարդ պաշտպան Ֆաբիո դա Սիլվային, ով հաջորդ մրցաշրջանը կանցկացնի հայտնի ֆուտբոլային մասնագետ Մարկ Հյուզի գլխավորած թիմում: "Մեզ համար հոյակապ հնարավորություն էր ընձեռվել ձեռք բերելու թոփ խաղացողի, ով խաղացել է թոփ մակարդակի ֆուտբոլ: Ֆաբիոն լավ պաշտպան է ու հոյակապ պրոֆեսիոնալ, ավելին` նա կարողանում է խաղալ երկու եզրերում էլ: Դա բացառիկ ունակություն է, որը շատ ինքնատիպ է",- ասել է "ՔՊՌ"-ի գլխավոր մարզիչ Մարկ Հյուզը: |