 Ֆրանսիական "ՊՍԺ"-ի իտալացի գլխավոր մարզիչ Կառլո Անչելոտտին մեծ ուրախությամբ է ընդունել այն փաստը, որ իտալական "Միլանի" երիտասարդ բրազիլացի պաշտպան 27-ամյա Տիագո Սիլվան պաշտոնապես արդեն տեղափոխվել է իր գլխավորած ակումբy: "Ես չափից դուրս ուրախ եմ` ակումբի ղեկավարների կողմից այդ լավ նորությունը լսելով: Նա համարվում է աշխարհի լավագույն պաշտպաններից մեկը: Ալեքսի և Տիագո Սիլվայի հետ մենք էլ ավելի ուժեղ կլինենք, իսկ ահա այլ խաղացողների մասին ես երբեք չեմ մոռանա: Օրինակ` մենք որոշել ենք, որ մեր առաջատար մեկ այլ պաշտպան` ֆրանսիացի Սախոն չի հեռանա թիմից: Նա կմնա ու լրջորեն կպայքարի հիմնական կազմում տեղ ունենալու համար",- ասել է իտալացի մասնագետը: |