00:59 Վիլիան. "Պարտավոր ենք հաղթել "Նորդշելանդին" | |
 Դոնեցկի "Շախտյորի" բրազիլացի երիտասարդ ու տաղանդաշատ կիսապաշտպան Վիլիանը մեկնաբանել է իր թիմի` "Չելսիից" կրած պարտությունը: "Մենք շատ տխուր ենք: Գիտենք, որ իրոք լավ խաղացինք և արժանի չէինք պարտության: Հատկապես այն պարտության, որտեղ որոշիչ գնդակը խփվում է հանդիպման վերջին րոպեին: Հուսով եմ հաջորդ խաղում կկարողանանք հաղթել",- ասել է երիտասարդ կիսապաշտպանը` անդրադառնալով նաև իրենց ապագա մրցակիցներին: "Յուվենթո՞ւսը": Այն հրաշալի կազմ ունի, շատ ուժեղ ֆուտբոլիստներ են խաղում այդ ակումբում: Նրանք դեռ շարունակում են պայքարը` հաջորդ փուլ դուրս գալու համար և "Չելսիի" հետ արդեն կայանալիք հետագա հանդիպմանը կցուցադրեն իրենց կարողությունները: Բայց ամեն ինչ դեռ մեր ձեռքերում է: Մենք պարտավոր ենք հաղթել նախ "Նորդշելանդին", հետ արդեն մտածենք մնացած թիմերի մասին",- ավելացրել է բրազիլացին:
| |
|
| |
| Total comments: 0 | |