20:28 Վիլանովան խոսել է իր թիմի խաղացողների մասին | |
 "Բարսելոնայի" ներկայիս գլխավոր մարզիչ Տիտո Վիլանովան "Լևանտեի" դեմ կայանալիք հանդիպումից առաջ հանդիպել է լրագրողների հետ և պատասխանել վերջիններիս բազմաբովանդակ ու բազմապիսի հարցերին: Վիլյայի մասին` "Նրա հետ սարսափելի ոչինչ չի կատարվել: Կոճի վնասվածքի պատճառով նա անհանգստություն էր զգում դեռևս Մոսկվայում: Մենք էլ պիտի բացառենք ցանկացած ռիսկ, հետևաբար նա չի խաղալու": Վիկտոր Վալդեսի մասին` "Հիմա նա իրեն լավ է զգում: Եթե ծնկի վնասվածքը զգացնել տա, նա չի մեկնի "Լրանտեի" դեմ հանդիպմանը: Մենք մի անգամ արդեն 3 դարպասապահ ընդգրկել ենք խաղին: Կընդգրկենք 3-րդ դարպասապահին նաև վաղը": Պինտոյի հետ կնքվելիք նոր պայմանագրի մասին` "Այդ թեմայով էլ ես իմ բոլոր ցանկություններն ակումբին ասել եմ: Բայց բոլոր անհրաժեշտ խորհրդակցությունները մենք կանցկացնենք մի փոքր ավելի ուշ: Պինտոն իր առջև դրված աշխատանքը լավ է կատարում": Ադրիանոյի և Տյագոյի վերադարձի մասին` "Միշտ հաճելի է տեսնել, որ ֆուտբոլիստները վնասվածքից հետո վերադառնում են: Հատկապես նրանք, ովքեր շատ անհրաժեշտ են այս պահին մեր թիմին": "Մանչեսթեր Սիթիի"` "Բարսելոնայի" առաջատար ֆուտբոլիստների նկատմամբ հետաքրքրության մասին` "Նրանք շատերի նկատմամբ են հետաքրքրված: Չեմ կարծում, որ կենտրոնացել են հատկապես "Բարսելոնայի" խաղացողների վրա": Դոս Սանթոսի մասին` "Գուցե հունվարի նա վարձավճարային հիմունքներով մեկնի մեր թիմից: Ես բազմիցս արդեն ասել եմ` հնարավոր է: Ամեն ինչ կախված է ֆուտբոլիստի անձնական ցանկությունից": Պեպ Գվարդիոլայի մասին` "Ուրիշ ակումբներ հետաքրքրվում են նրանով: Պեպը ցանկանում էր գոնե մեկ տարի հանգստանալ, բայց ինչպես տեսնում ենք, նրան հանգիստ չեն էլ տալիս: Նա վերադարձի մասին որոշում կկայացնի այն ժամանակ, երբ իր համար կլինի ճիշտ ժամանակը":
| |
|
| |
| Total comments: 0 | |