Եթե Իսպանիայում ամեն բան կարգավորվել է, ապա Իտալիայի առաջնության առաջին տուրը չի կայանա նախատեսված ժամանակին՝ ֆուտբոլիստների գործադուլի պատճառով. այս մասին հաղորդում է ֆրանսիական AP լրատվական գործակալությունը: Չորեքշաբթի օրը հերթական բանակցություններն են անցկացվել ֆուտբոլիստների արհմիության և Իտալիայի ֆուտբոլի ֆեդերացիայի պաշտոնյաների միջև: Խաղացողները որոշել են գործադուլ հայտարարել:

Իտալական "Ա Սերիայի" ակումբների բոլոր 20 ավագներն արդեն այսօր փաստաթուղթ են ստորագրել, համաձայն որի գործադուլը կշարունակվի մինչև նոր պայմանագիր ստորագրելը:

Նշենք, որ "Ա Սերիայում" հանդես եկող ֆուտբոլիստներին չի գոհացնում նախկին պայմանագրի երկու կետերը: Առաջինը՝ ակումբի հայեցողությամբ խաղացողին աշխատանքից հեռացնելն է, երկրորդը՝ շքեղության հարկը, որ վերջերս է ներմուծել Իտալիայի կառավարությունը՝ որպես տնտեսական ճգնաժամի դեմ պայքարի միջոց: