 Անգլիական "Մանչեսթեր Յունայթեդի" շոտլանդացի բազմամյա գլխավոր մարզիչ Սըր Ալեքս Ֆերգյուսոնը` առաջիկայում "Տոտենհեմի" դեմ կայանալիք հանդիպումից առաջ խոսել է թիմի անգլիացի առաջատար Ուեյն Ռունիի մասին. "Ուեյնը պարզապես ճախրում էր խաղադաշտով մեկ մրցաշրջանի նախապատրաստական հանդիպումների ժամանակ: Նա գտնվում է հիանալի մարզավիճակում: Ողջ հանդիպումը Ռունին կարող է անցկացնել նույն մակարդակով, նրա մեջ անավարտ էներգիա կա: Առայժմ Ուեյնը շատ լավ է համագործակցում Դենի Ուելբեկի հետ, իսկ ահա երբ վերադառնա Էրնանդեսը, այդ ժամանակ հիմնական կազմի ընտրության դժվարություններ կառաջանան, ինչից ես միայն գոհ կլինեմ",-ասել է Ֆերգյուսոնը:
|