19:54 Ալեքսիս Սանչես. "Բարսելոնան" ամեն ինչի գագաթնակետն է" | |
 Չիլիացի հարձակվող Ալեքսիս Սանչեսը, ով նախորդ շաբաթ իտալական "Ուդինեզեից" տեղափոխվել է կատալոնական "Բարսելոնա", ընդգծել է, որ իր համար շատ կարևոր է կատալոնացիների գլխավոր մարզիչ Խոսեպ Գվարդիոլայի վստահությունը: Հեղինակավոր AP պարբերականը մեջբերում է չիլիացի հարձակվողի խոսքերը. "Ցանկանում եմ "Բարսելոնային" օգնել տիտղոսներ նվաճել: Այստեղ տեղափոխվելն այնքան էլ դժվար չստացվեց, շատ ավելի դժվար կլինի ակումբում ամրապնդվելը: Ես դեռևս ոչինչ չեմ արել ակումբի համար, բայց բոլոր ջանքերը կներդնեմ թիմի հաջողության համար: Պետք է սովորել Լիոնել Մեսսիից և Խավիից: Ինձ համար շատ կարևոր է, որ հենց Գվարդիոլան է հրավիրել ինձ. սա խոսում է վստահության մասին: Կարիերայիս ընթացքում շատ փորձ եմ կուտակել տարբեր ակումբներում, բայց ամեն ինչի "Բարսելոնան" գագաթնակետն է":Հիշեցնենք, որ Սանչեսը 5 տարվա պայմանագիր ստորագրել "Բարսելոնայի" հետ, իսկ տրանսֆերի արժեքը կազմել է 26 միլիոն եվրո: Եթե 22-ամյա ֆուտբոլիստը նոր ակումբում հաջող ելույթ ունենա, իտալական ակումբը որպես բոնուս կատալոնացիներից ևս 11.5 միլիոն կստանա:
| |
|
| |
| Total comments: 0 | |