Փարիզյան "ՊՍԺ"-ի գլխավոր մարզիչ Կառլո Անչելոտտին, ով ժամանակին եղել է "Միլանի" գլխավոր մարզիչը, հայտարարել է, որ ինքը երբեք թույլ չէր տա, որ Անդրեա Պիրլոն տեղափոխվի Թուրինի "Յուվենթուս": "Ես չէի թույլատրի ակումբի ղեկավարությանն այնպես վարվել, որ Պիրլոն հեռանա "Միլանից": Ծայրահեղ դեպքում նրան ինձ հետ կտանեի "Չելսի" կամ կբերեի "ՊՍԺ": Հնարավոր է` "Յուվենթուսը" նրան լավ պայմանագիր է առաջարկել, որը չեն արել միլանցիները, և այդ պատճառով է նա տեղափոխվել այդ ակումբ",- ասել է իտալացի մասնագետը:

   Հիշեցնենք, որ Պիրլոն նախորդ ամռանն է Միլանից տեղափոխվել Թուրին և այսօր "Յուվենթուսի" կազմում կարող է երկրորդ անգամ հանդես գալ իր նախկին թիմի դեմ: