 Ֆրանսիական "ՊՍԺ"-ի իտալացի գլխավոր մարզիչ Կառլո Անչելոտտին մեկնաբանել է այն ինֆորմացիան, թե իբր իր գլխավորած փարիզյան թիմը շատ շուտով կհամալրվի չինական "Շանհայ Շենուայի" ֆրանսիացի հարձակվող Նիկոլա Անելկայով: "Նիկոլան ուղղակի ցանկացել է պարապել մեզ հետ, որպեսզի լավ մարզավիճակ պահպանի: Մենք ընդհանրապես չենք պատրաստվում նրան ձեռք բերել: Անելկան ժամանակին խաղացել է իմ ղեկավարությամբ, մենք բավականին ջերմ հարաբերությունների մեջ ենք: Ես ուղղակի թույլ եմ տվել, որ նա մարզվի մեր թիմի հետ",- ասել է իտալացի մարզիչը: |