 Թուրինի "Յուվենթուսի" նախագահ Անդրեա Անյելին Իտալիայի առաջնության չորրորդ տուրի շրջանակներում "Բոլոնիայի" դեմ կայանալիք խաղից առաջ ընդգծել է, որ երկու հաղթանակներից հետո սկուդետտոյի մասին խոսելը դեռ վաղաժամ է: Թուրինյան ակումբի նախագահի խոսքերով` պետք չէ գերագնահատել առաջին խաղերի արդյունքները, քանի որ առջևում դեռևս շատ խաղեր կան և շատ բաներ կարող են փոփոխվել: Երիտասարդ բիզնեսմենն ասել է. "Այս պահին Իտալիայի առաջնությունում միայն երկու տուր է անցկացվել: Այո, "Յուվենթուսը" հաղթանակներ է տոնել և դա շատ կարևոր է: Այնուամենայնիվ, այս հանդիպումների նշանակությունը գերագնահատել և ինչ-որ եզրակացություններ անել չարժե: Առջևում դեռևս 36 խաղ կա: Ամեն ինչ կարող է փոխվել մեկ ակնթարթի պես` այն էլ ոչ մեկ անգամ": |