07:37 Անդրեասյանը ծեծի է ենթարկել ֆոտոլրագրողին | |
 Totalfootall.am ֆուտբոլային կայքի ֆոտոլրագրող Աշոտ Առուշանյանն երկու օր առաջ կայացած Հայաստանի բարձրագույն խմբի
առաջնության 6-րդ տուրի "Արարատ"–"Փյունիկ" հանդիպման ընդմիջմանը ծեծի է ենթարկվել Երևանի "Արարատի" գլխավոր մարզիչ Արկադի
Անդրեասյանի և նրան ուղեկցող անձանց կողմից, այն բանից հետո, երբ կատարում
էր իր աշխատանքը և լուսանկարում էր տրիբունայում գտնվող մասնագետին: Առաջին
հարվածը հասցրել է հենց Անդրեասյանը, ապա նրան ուղեկցողները դաժանորեն
ծեծել են Առուշանյանին "Հրազդան" մարզադաշտի թունելում:
19-ամյա ֆոտոլրագրողը ծնոտի վնասվածքի և գլխացավերի պատճառով երեկոյան "Շտապ օգնության" մեքենայով տեղափոխվել է հիվանդանոց, որտեղ մի շարք հետազոտություններ է անցել, իսկ երեկ առավոտյան դուրս է գրվել հիվանդանոցից: Բժիշկների պահանջով, նրան մի քանի օր հանգիստ է տրվել: Հետազոտությունները ցույց են տվել, որ ֆոտոթղթակցի մոտ դեմքի հատվածում առկա են մկանային վնասվածքներ, իսկ ոսկրային կոտրվածքներ չկան: Ծնոտի ցավերի պատճառով 19-ամյա ֆոտոլրագրողը դեռևս դժվարանում է ուտել և խմել: Տեղեկացնենք, որ Արկադի Անդրեասյանը խաղից
հետո արդեն հարցաքննվել է ոստիկանությունում և իրավապահ մարմինները
զբաղվում են այս հարցով:
| |
|
| |
| Total comments: 1 | |
|
| |