Լոնդոնի "Չելսիի" ֆրանսիացի բազմափորձ հարձակվող Նիկոլյա Անելկան չի բացառում, որ մոտակա ժամանակներս կարող է տեղափոխվել ԱՄՆ-ի հանրահայտ ակումբներից մեկը: Այս մասին մամուլի ներկայացուցիչներին տեղեկացրել է Միխայել Վիզենֆիլդը՝ այն գործակալության ներկայացուցիչը, որը զբաղվում է 33-ամյա ֆուտբոլիստի տրանսֆերային գործերով: "Կարող եմ հաստատել, որ մեր հաճախորդ Նիկոլյան չի բացառում ԱՄՆ տեղափոխվելու հնարավորությունը: Նա այս պահին պատրաստ է դիտարկել յուրաքանչյուր առաջարկ",-Վիզենֆիլդի խոսքերը մեջբերել է Goal.com հանրահայտ լրատվամիջոցը:

ՀԱվելենք, որ Անելկան հանդես է գալիս "Չելսիի" կազմում սկսած 2008թ.-ից, իսկ Անգլիայի ներկա մրցաշրջանում խաղացողը մասնակցել է հինգ հանդիպման և խփել է մեկ գնդակ: