18:49 "Պրեմիեր լիգայի" 30-րդ տուրի վերլուծություն | |
 Անգլիական "Պրեմիեր լիգայի" 30-րդ տուրի շրջանակներում "Մանչեսթեր Յունայթեդը" սեփական հարկի տակ "Օլդ Թրաֆֆորդ" մարզադաշտում նվազագույն` 1-0 հաշվով հաղթանակ տոնեց "Բոլթոնի" նկատմամաբ, իսկ հանդիպման միակ գնդակը "մանկունիացիները" մրցակցի դարպասն ուղարկեցին խաղի 88-րդ րոպեին. այս անգամ ևս "Կարմիր սատանաներին" օգնության հասավ բուլղարացի հարձակվող Դիմիտար Բերբատովը: Այս հաղթանակից հետո "Մանչեսթեր Յունայթեդը" շարունակում է գլխավորել մրցաշարային աղյուսակը: Նրանից 5 միավորով հետ է մնում Լոնդոնի "Արսենալը", որը կարող էր կրճատել իր ու "Մանչեսթեր Յունայթեդի" միջև գոյություն ունեցող միավորների տարբերությունը, սակայն այս տուրից հետո պարզ դարձավ, որ միավորների տարբերությունը մի փոքր ավելանալու է (նախկինում եղած 3 միավորի համեմատ)` հասնելով 5-ի, քանի որ "Պրեմիեր լիգայի" 30-րդ տուրում "զինագործները" չկարողացան առավելության հասնել "Վեստ Բրոմվիչի" նկատմամբ. հանդիպումը ավարտվեց 2-2 հաշվով, ընդ որում "Արսենալը" մինչև 70-րդ րոպեն պարտվում էր 2-0 հաշվով:Երրորդ տեղում հայտնվեց "Չելսին" այն բանից հետո, երբ սեփական հարկի տակ կարողացավ առավելության հասնել "Մանչեսթեր Սիթիի" նկատմամբ, որը մինչ այդ եզրափակում էր Անգլիայի ընթացիկ մրցաշրջանի լավագույն եռյակը. այս հանդիպումն ավարտվեց 2-0 հաշվով: Պարտությունից հետո "Մանչեսթեր Սիթին" հայտնվեց չորրորդ հորիզոնականում, որի համար պայքարում են "Տոտենհեմը" և "Լիվերպուլը": Նշենք նաև, որ "Տոտենհեմը" գոլազուրկ ոչ-ոքի խաղաց "Վեսթ Հեմի" հետ, իսկ "Լիվերպուլը" 2-0 հաշվով հաղթանակ տոնեց "Սանդերլենդի" նկատմամբ: Ստորև Ձեր ուշադրությանն ենք ներկայացնում անգլիական "Պրեմիեր լիգայի" 30-րդ տուրի մնացած հանդիպումների արդյունքները. "Պրեմիեր լիգայի" 30-րդ տուրի մյուս խաղերի արդյունքները. 18/03/2011 "Սանդերլենդ" (0-2) "Լիվերպուլ" "Չելսի" (2-0) "Մանչեսթեր Սիթի" 18/03/2011 "Տոտենհեմ" (0-0) "Վեսթ Հեմ" "Ասթոն Վիլա" (0-1) "Վուլվս" "Բլեքբեռն" (2-2) "Բլեքպուլ" "Մանչեսթեր Յունայթեդ" (1-0) "Բոլթոն" "Ստոք Սիթի" (4-0) "Նյուքասլ" "Վեստ Բրոմվիչ" (2-2) "Արսենալ" "Ուիգան Ատլետիկ" (2-1) "Բիրմինհեմ Սիթի" "Էվերթոն" (2-1) "Ֆուլհեմ" | |
|
| |
| Total comments: 2 | |
|
| |