09:08 "Անժին" 68 մլն եվրո կվճարի Ֆալկաոյի դիմաց | |
 Ըստ պորտուգալական հեղինակավոր մարզական լրատվամիջոցների` Մախաչկալայի "Անժին" էլ պատրաստակամություն է հայտնել ձեռք բերելու Մադրիդի "Ատլետիկոյի" կոլումբիացի հարձակվող Ռադամել Ֆալկաոյին, ընդ որում` թիմը պատրաստ է շուրջ 68 մլն եվրո վճարել այդ խաղացողի համար: Ըստ պորտուգալական աղբյուրների` ռուսական ակումբն արդեն իսկ այժմ պաշտոնական առաջարկ է ուղարկել մադրիդյան թիմի ղեկավարությանը և հիմա սպասում է պատասխանի: Հետաքրքիրն այն է, որ տաղանդավոր կոլումբիացի հարձակվողի տրանսֆերային հրաժարագինը այս պահի դրությամբ կազմում է 75 մլն եվրո:Հ.Գ.: Ավելի վաղ պորտուգալական "Պորտուի" կազմում ելույթներ ունեցած ֆուտբոլիստը "Ատլետլիկո" է տեղափոխվել 40 մլն եվրոյի դիմաց անցած տարվա ամառային տրանսֆերային պատուհանի ընթացքում` անչափ կարճ ժամանակաշրջանում էլ դառնալով թիմի առաջատարը: Ֆուտբոլիստը Իսպանիայի անցած տարվա առաջնության 34 խաղերում խփել էր 21 գնդակ, իսկ "Եվրոպայի լիգայի" հաղթական մրցաշարում 12 գոլ: Տաղանդավոր խաղացողի ծառայություններով այս պահին էլ ակտիվորեն հետաքրքրվում են Լոնդոնի "Չելսին", Անգլիայի գործող չեմպիոն "Մանչեսթեր Սիթին" և ֆրանսիական ֆուտբոլում նոր հեղափոխություն սկսած "ՊՍԺ"-ն: | |
|
| |
| Total comments: 0 | |