21:22 Անրին մտորում է "Արսենալի" վերադառնալու մասին | |
 Անգլիական
"Արսենալի" կենդանի-լեգենդ, ֆրանսիացի հարձակվող Թյերի Անրին խոսել է
"զինագործների" գլխավոր մարզիչ
Արսեն Վենգերի մասին և նշել, որ ֆրանսիացի մասնագետը պետք է իր ողջ
կարիերայի ընթացքում մնա որպես "Արսենալի" գլխավոր մարզիչ: Նիշեցնենք, որ
Անրին շուրջ 8 տարի եղել է Վենգերի սանը և հիմա վերադարձել է Լոնդոն՝
մասնակցելու Emirates Cup մրցաշարին իր նյույորքյան "Ռեդ Բուլզի" կազմում:
Անրին կարծում է, որ 61-ամյա մարզչի հասցեին վերջին շրջանում ուղղված սուր
քննադատություններն անհիմն են և անտեղի: "Շատերն են ուզում, որպեսզի
Վենգերը հեռանա "Արսենալից": Մի օր դա անպայման կլինի, բայց պարզ չէ թե
երբ: Մի քանի տարվա մեջ Վենգերն ամբողջովին փոխել է թիմը: Եթե ես լինեի
"Արսենալի" ղեկավարը, ապա
Վենգերին իր ամբողջ մարզչական կարիերայի ընթացքում կպահեի ակումբում: Թիմն
անցած տարիներին շատ մոտ էր հաջողության հասնելուն, բայց նրանց ինչ-որ բան
պակասեց
և այդ ամենը հանգեցրեց նրան, որ սեփական ֆուտբոլասերները սկսեցին
քննադատել
Վենգերին` պահանջելով նրան լքել գլխավոր մարզչի պաշտոնը: Մարդիկ կսկսեն
գնահատել նրան և նրա այսքան տարվա աշխատանքը միայն նրա հեռանալուց հետո:
Համոզված եմ":Նշենք նաև, որ Անրին արդեն մեկ անգամ ցանկություն հայտնել է վերադառնալ
"Արսենալ"
մարզչի կարգավիճակով, բայց ֆրանսիացի հարձակվողը կարծում է, որ հիմա դրա
ժամանակը չէ: "Ես կուզենայի մի օր վերադառնալ "Արսենալ": Ինձ համար մեծ
պատիվ կլիներ նորից ակումբի մի մասը դառնալ, բայց այդ օրը դեռ չի եկել:
Հիմա թիմն ապահով ձեռքերում է: Գիտեմ, որ մի օր այսպես թե այնպես
վերադառնալու եմ "Արսենալ", բայց ոչ ֆուտբոլիստի կարգավիճակով",-եզրափակել է
իր խոսքը ֆրանսիացին:
| |
|
| |
| Total comments: 1 | |
|
| |