 Կատալոնական "Բարսելոնայի" նախկին գլխավոր մարզիչ Ռադոմիր Անտիչը իր կարծիքն է հայտնել Լեո Մեսսիի մասին՝ նշելով, որ արգենտինացի խաղացողը շատ է փոխվել։ "Այսօր այդ տղան արդեն հայհոյում է իր խաղընկերներին ու վիճարկում է մրցավարների գործողությունները։ Իհարկե, Լիոնել Մեսսին բավական տաղանդավոր ու բարձրակարգ խաղացող է, բայց նրա հոգեկերտվածը վերջին ամիսներին զգալիորեն փոփոխվել է, ինչի արդյունքում էլ նա ցուցադրում է ոչ պատշաճ խաղ։ Այսօր արգենտինացին չի մասնակցում թիմի պաշտպանական գործողություններին․ մտնում է պայքարի մեջ շատ հազվադեպ։ Վերջերս էլ չխփեց 11 մետրանոց հարվածը։ Թիմը կորցնում է այն տղային, ով երեկ օրինակելի վարք ուներ",- ասել է Ռադոմիր Անտիչը։ |