20:45 "Աուդիի գավաթի" եզրափակիչում կմրցեն "Բարսելոնան" և "Բավարիան" | |
 Մյունխենում կայացան Audi Cup մրցաշարի կիսաեզրափակիչ հանդիպումները: Կատալոնական "Բարսելոնան", խաղադաշտ դուրս գալով երկրորդ կազմով, հիմնական և լրացուցիչ ժամանակում ոչ-ոքի՝ 2-2, խաղաց "Ինտերնացիոնալի" հետ, և հանդիպման ելքը որոշվեց հետխաղյա 11 մետրանոցներով, որտեղ առավելության հասան իսպանական ակումբի սաները՝ 11 մետրանոց հարվածաշարն ավարտելով 4-2 հաշվով:Այս մրցաշարի մյուս կիսաեզրափակչի շրջանակներում Մյունխենի "Ալիանս Արենա" մարզադաշտում խաղադաշտ էին դուրս եկել իտալական "Միլանն" ու Մյունխենի "Բավարիան": Հանդիպման սկզբում՝ 4-րդ րոպեին, "ռոսոներիներից" շվեդ հարձակվող Զլատան Իբրահիմովիչն առաջ մղեց իտալական գրանդին: Գոլն ընդունելուց հետո գերմանական գրանդը սկսեց գրոհների տարափ տեղացնել մրցակցի դարպասապահի վրա: Այս բազմաթիվ գրոհներից մեկում էլ մյունխենցիներից երիտասարդ կիսապաշտպան Թոնի Քրոսը կարողացավ գրավել Աբիատիի դարպասը: Հանդիպման հիմնական և լրացուցիչ ժամանակն ավարտվեց 1-1 հաշվով, և հաղթողին որոշելու համար կողմերը սկսեցին իրացնել 11 մետրանոց հարվածներ: Այստեղ բախտը ժպտաց գերմանացիներին, ովքեր կարողացան միլանցինեին հաղթել 5-3 հաշվով: Այսպիսով՝ Audi Cup մրցաշարի երզափակչի շրջանակներում խաղադաշտ դուրս կգան Մյունխենի "Բավարիան" և կատալոնական "Բարսելոնան": | |
|
| |
| Total comments: 0 | |