23:06 Արդյո՞ք Ռեյնան կհեռանա "Լիվերպուլից" | |
Անգլիական "Լիվերպուլի" իսպանացի դարպասապահ Խոսե Ռեյնա Պեպեն լրագրողների հետ մամլո ասուլիսի ժամանակ չի բացառել, որ երբևէ կարող է լքել իր ներկայիս ակումբը: Նա խոստովանել է, որ ամռանը մի շարք լուրջ վնասվածքներ էր ստացել, ինչպես նաև հայտարարել `է, որ չի հավատում հավերժ սիրուն: Անգլիական հեղինակավոր պարբերականները մեջբերում են իսպանացի դարպասապահի խոսքերը. "Ես դեռ հեռու եմ "Լիվերպուլը" լքելու մտքից: Ես շատ անգամ եմ ասել, որ երջանիկ եմ Անգլիայում, ինձ լավ եմ զգում "Լիվերպուլում": Բայց ես պատրաստ չեմ ինչ-որ մեկին հավերժ սեր խոստանալ: Դա հնարավոր չէ: Ավելին չեմ կարող ասել: Հավերժ սեր բնության մեջ գոյություն չունի: Մենք մեր ճակատագրերի տերը չենք: Երբ ֆուտբոլիստը խաղում է թիմի համար, խաղադաշտում նա լիովին տրվում է խաղին. դա միակ բանն է, որը կարելի է ֆուտբոլիստից պահանջել": Դարպասապահը պատասխանել է նաև լրագրողների հարցերին: Հնարավո՞ր է, որ Տորեսի իրավիճակում հայտնվեք և զգաք, որ հեռանալու ժամանակն է: "Հուսով եմ, որ ոչ: Բայց ես երբեք չեմ ասի` ես միշտ կմնամ "Լիվերպուլում", քանի որ ես դա չգիտեմ: Դա կախված է այն բանից, թե ինչպես կավարտվի այս մրցաշրջանը, ինչպիսի մրցաշարերի մենք կմասնակցենք: Դա, նախևառաջ, կախված է սեփականատերերի ամբիցիաներից: Հուսով եմ, որ նրանք ակումբ են եկել բարի մտադրություններով: Ավելին չեմ կարող ասել, քանի որ դեռ հնգամյա պայմանագիր ունեմ: Ես "Լիվերպուլի" առջև իմ պարտականությունները կատարել եմ վեց տարի, հետո պայմանագիրս երկարաձգեցի այն պահին, երբ ակումբը դժվարությունների մեջ էր: Գուցե երկրպագուները դա չնկատեցին, բայց ես այդպիսով իմ նվիրվածությունը ցանկացա ցույց տալ: Ես նրանց հնարավորություն տվեցի, երկարաձգեցի պայմանագիրս և չհեռացա ամռանը, երբ կարող էի դա անել": Դուք ունեի՞ք լուրջ առաջարկներ: "Այո, բայց ես մնացի, քանի որ ցանկանում էի "Լիվերպուլի" նկատմամբ հավատս պահել": | |
|
| |
| Total comments: 0 | |