 Լոնդոնի "Արսենալի" նախկին հարձակվող Թյերի Անրին այս օրերին գտնվում է Անգլիայում, որտեղ մարզվում է իր հարազատ ակումբի հետ: Անրիի ներկայիս ակումբը՝ "Նյու-Յորք Ռեդ Բուլզը" դուրս է մնացել MLS-ի փլեյ-օֆֆ փուլից,
որից հետո թիմի ֆուտբոլիստներն արձակուրդի հնարավորություն են ստացել: "Այսօր Անրին առաջին մարզումը անցկացրեց մեզ հետ: Նա կարիք չունի
ապացուցելու, թե ինչքան տաղանդավոր է: Թյերին միայն ցանկանում է պահպանել
մարզավիճակը, ինչպես նաև հաճույք ստանալ ֆուտբոլից: Անրին հիմա տանն է, և
մենք ուրախ ենք կրկին տեսնելու նրան: Թիմի ֆուտբոլիստներ շատ ուրախ են, որ
իրենց կողքին նման վարպետ կա",-այս առիթով ասել է Արսեն Վենգերը: |