15:21 "Արսենալը" նոր խաղացողների է փնտրում Ֆրանսիայում | |
 Ինչպես տեղեկացնում է բրիտանական The Telegraph
պարբերականը, Լոնդոնի "Արսենալի" ղեկավարությունը Սամիր Նասրիին փոխարինող
է գտել: Նշենք, որ Նասրին ամառային տրանսֆերային պատուհանի ժամանակ
արդեն հաստատ կլքի լոնդոնյան թիմը, իսկ "Արսենալը" նրա փոխարեն ցանկանում է
ձեռք բերել ֆրանսիական "Մարսելի" երիտասարդ խաղացող Անդրե Այուին: Գանայի
ազգային հավաքականի 21-ամյա ֆուտբոլիստի համար, որի պայմանագիրը գործում է
մինչև 2014թ.-ի հունիսը, "Արսենալը" ստիպված կլինի վճարել առնվազն 13
միլիոն եվրո: Երկրպագուներին ասենք, որ նախորդ մրցաշրջանում Այուն
Ֆրանսիայի փոխչեմպիոնի կազմում անցկացրել է 45 հանդիպում և խփել է 11 գոլ,
ինչ պատկառելի արդյունք է 21-ամյա խաղացողի համար:
Բացի
Այուից, "Արսենալի" գլխավոր մարզիչ Արսեն Վենգերը հետաքրքվում է նաև
"Մարսելի" մեկ այլ ֆուտբոլիստով՝ Մաթյե Վալբուենայով, ինչպես նաև Բելգիայի
ազգային հավաքականի հարձակվողական ոճի կիսապաշտպան Էդեն Ազարով, ով հանդես է
գալիս "Լիլի" կազմում:
| |
|
| |
| Total comments: 0 | |