 Լոնդոնի "Արսենալի" ռուս 31-ամյա եզրային կիսապաշտպան Անդրեյ Արշավինը, ով դեռևս չի կարողանում հարմարվել իր նոր խաղային դիրքին, ամենայն հավանականությամբ արդեն այս հունվարին կհեռանա "զինագործների" թիմից: Ինչպես նշում են գերմանական մարզական թերթերը, ռուս կիսապաշտպանի համար Գելզենկիրխենի "Շալկեն" պատրաստվում է շուրջ 10 մլն եվրո ծախսել, ինչն ամբողջովին գոհացնում է "Արսենալի" ղեկավարությանը: Նշվում է, որ Արշավինի ծառայություններով լրջորեն հետաքրքրվում են թուրքական "Գալաթասարայն" ու Սանկտ-Պետերբուրգի "Զենիթը": Վերջինս հույսեր է փայփայում խաղացողին անվճար վերադարձնելու հարազատ ակումբ: |