08:40 Արտոնագրերի ստացում հենց Հայաստանում | |
 Փետրվարի 11-ին ՀՖՖ տեխնիկական կենտրոնում` Ավանի Ֆուտբոլի ակադեմիայում, մենկարկեց մարչական A արտոնագրի հերթական` թվով 3-րդ դասընթացը: Դասընթացին մասնակցում է 17 մարզիչ, որոնք ներկայացնում են Հայաստանի Բարձրագույն խմբի առաջնության բոլոր թիմերը, ինչպես նաև Ֆուտբոլի ակադեմիայի մարզադպրոցը: Մասնակիցների թվում է նաև Հայաստանի ազգային հավաքականի նախկին գլխավոր մարզիչ Սուրեն Բարսեղյանը: Դասընթացը վարում են ՀՖՖ հրահանգիչներ Ալբերտ Սաֆարյանը, Արմեն Սանամյանը, Աշոտ Ավետիսյանը, Սուրեն Չախալյանը, ինչպես նաև ՀՖՖ տեխնիկական տնօրեն, Հայաստանի ազգային հավաքականի գլխավոր մարզիչ Վարդան Մինասյանը: Նախատեսվում է նաև օտարերկրյա մասնագետների մասնակցությունը դասընթացին, որը կտևի մինչև ս.թ. նոյեմբերը:
Հիշեցնենք, որ համաձայն ՀՖՖ ակումբների արտոնագրման կանոնակարգի` ՀՀ Բարձրագույն խմբի թիմերի գլխավոր և ավագ մարզիչները պարտավոր են ունենալ մարզչական A արտոնագիր: Այդ արտոնագիրը բարձրագույն մարզչական կատեգորիայի վկայականն է, որը կարելի է ստանալ Հայաստանում:
| |
|
| |
| Total comments: 0 | |