Մադրիդի "Ատլետիկոյի" իսպանացի կիսապաշտպան Ռաուլ Գարսիան գալիք մրցաշարում հանդես կգա "Օսասունայում". այս մասին հայտնում է իսպանական Marca հանդեսը: "Ատլետիկոն", որին պատկանում է 25-ամյա խաղացողի տրանսֆերը, վարձավճարով է տվել իր կիսապաշտպանին ընդամենը մեկ մրցաշրջանով, այն էլ առանց հետագայում գնման իրավունքի:

Հետաքրքիր է, որ Գարսիան չորս տարի առաջ հենց "Օսասունայից" է տեղափոխվել "Ատլետիկո": Այդ ժամանակվանից ի վեր խաղացողը "Ատլետիկոյի" կազմում անցկացրել է 120 հանդիպում, որոնցում դարձել է ընդամենը 7 գոլի հեղինակ: