 Եվրոպայի լիգայի մեկնարկից առաջ Երևանի "Բանանցը"
պայմանագիր է կնքել դարպասապահ Դմիտրի Նեպոգոդովի հետ, ով հանդես կգա
Հայաստանի փոխչեմպիոնի կազմում վարձավճարային հիմունքներով մինչև ընթացիկ մրցաշրջանի
ավարտը: Նշենք, որ Դմիտրի Նեպոգոդովը ծնվել է 1988թ.-ի փետրվարի 17-ին: Երիտասարդ դարպասապահը երևանյան թիմ է տեղափոխվել Դոնեցկի "Մետալուրգից", որի կազմում Ուկրաինայի անցյալ մրցաշրջանում անցկացրել է 14 հանդիպում: Նեպոգոդովը ժամանակին եղել է նաև Մարսելի "Օլիմպիկի"
դարպասապահը, ճիշտ է` այս թիմի կազմում չի հասցրել մասնակցել պաշտոնական
հանդիպումների: Միևնույն ժամանակ Նեպոգոդովը հանդես է եկել Ուկրաինայի
տարբեր տարիքային ազգային հավաքականներում: Ուկրաինացի դարպասապահը, որի հասակը 197սմ է, "Բանանցի"
կազմում արդեն կարող է մասնակցել Եվրոպայի լիգայի հանդիպումներին: Հաշվի
առնելով այն հանգամանքը, որ երևանյան թիմի հիմնական դարպասապահ Ստեփան Ղազարյանը
մոտակա մեկ ամսվա ընթացքում բացակայելու է, Նեպոգոդովի տրանսֆերը,
անկասկած, շատ կարևոր կարող է լինել և ճիշտ ժամանակին արված: |