Home » 2011 » Ապրիլ » 20 » «Բարսելոնա»-«Ռեալ Մադրիդ». ավելին քան խաղը. գործողություն N°2
19:52
«Բարսելոնա»-«Ռեալ Մադրիդ». ավելին քան խաղը. գործողություն N°2

 Այսօր` գիշերը ժամը 12-ն անց 30 րոպեին Իսպանիայի Վալենսիա քաղաքի «Մեստալիա» մարզադաշտում  կմեկնարկի աշխարհի բոլոր ֆուտբոլասերների համար մեծ հետաքրքրություն ներկայացնող «Բարսելոնա»-«Ռեալ» չորսսերիանոց «Սուպերկլասիկոների» երկրորդ գործողությունը։ 18 օրվա մեջ ֆուտբոլը ողջ աշխարհում պտտվելու էր բացառապես այս երկու թիմերի շուրջ. սրա մասին մենք արդեն հայտնել էինք։ Նախախնամության, բախտի և այլ երջանիկ զուգադիպությունների, հանգամանքների արդյունքում մենք դեռ երեք անգամ վայելելու ենք անմոռանալի հանդիպումների քաղցրությունը։
Այսօր թիմերը կխաղան Իսպանիայի «Արքայական գավաթի» եզրափակչի շրջանակներում։ Արքայական թիմին ևս երեք հնարավորություն է տրված` ապացուցելու բոլորին, որ ինքը ոչ թե պարզապես աստղերի հավաքածու է, այլ թիմ, որն ունակ է արժանի մրցակից լինել ներկայիս ահեղ թվացող «Բարսելոնային»։
«Ռեալի» գլխավոր մարզիչ Ժոզե Մոուրինյոյին հաջողվեց կարճ ժամանակահատվածում ուշքի բերել իր սաներին 0-5 ծանրագույն պարտությունից հետո և մի քանի օր առաջ «Արքայական թիմն» արդեն այլ կարգի ֆուտբոլ ցուցադրեց հենց «կապտանռնագույնների» հետ հանդիպման ժամանակ։ Ինչպես այսօր` խաղից ժամեր առաջ նշել է «սերուցքայինների» նախագահ Ֆլորենտիո Պերեսը, ներկայիս «Բարսային» հաղթելու հավակնություն ունեցող թիմը պետք է աչքի ընկնի բացառիկ խաղային կարգապահությամբ, ֆունկցիոնալ գերպատրաստվածությամբ և թիմային ոգով, մինչդեռ երեկ իսպանական մամուլում լուրեր տարածվեցին, թե «Ռեալի» դարպասապահ Իկեր Կասիլյասը նեղացել է իր թիմակիցներից, ու այժմ թիմային հանդերձարանում ծանր մթնոլորտ է տիրում։
Բայց սա ևս մեկ «Սուպերկլասիկո» չէ, որտեղ կարող են վերը նշված հանգամանքներից և ոչ մեկը չգործածվել, այստեղ արդեն կարևորություն է ստանում խաղի հետագա արժեքը. Հաղթողը կնվաճի Իսպանիայի «Թագավորական գավաթը»։ Այնպես որ, հարկավոր զերծ կմնալ ամեն տեսակ կանխատեսումներ անելուց։

                                                    Թիմերի նախնական կազմեր
«Բարսելոնա»` Պինտո – Ալվեշ, Պույոլ, Պիկե, Ադրիանո – Բուսկետս, Չավի, Ինյեստա – Վիլյա, Մեսսի, Պեդրո (4-1-2-3 շատ հարձակվողական ֆունկցիա ունեցող տակտիկա)
«Ռեալ Մադրիդ»` Կասիլյաս – Արբելոա, Ռամոս, Կարվալյո, Մարսելո – Պեպե, Ալոնսո, Խեդիրա, Ռոնալդու, Օզիլ – Ադեբայոր (4-1-2-2-1 արագ ձևափոխվող և հակագրոհների կազմակերպման համար իդեալական տակտիկա)
Միջազգային բուքմեյքերական գործակալություններն այս խաղի համար սահմանել են հետևյալ գործակիցները` «Ռեալի» հաղթանակ` 3.35, «Բարսելանայի» հաղթանակ` 1.85, խաղի հիմնական ժամանակը կավարտվի ոչ-ոքի` 5.5 գործակից:
Այս անգամ մենք զերծ կմնանք որևէ կանխագուշակումից:

Category: Թեժ գիծ ֆուտբոլի աշխարհից | Views: 645 | Added by: Hartsat | Rating: 5.0/2
Total comments: 3