Գերմանիայի Մյունխեն քաղաքում երեկ ավարտվեց Audi Cup անունը կրող ֆուտբոլային միջազգային մրցաշարը: Մրցաշարի երրորդ տեղի համար խաղում բրազիլական "Ինտերնասիոնալը"
հետխաղյա 11 մետրանոց հարվածաշարով կարողացավ առավելության հասնել իտալական
"Միլանի" նկատմամբ (խաղի հիմնական ժամանակն ավարտվել էր ոչ-ոքի` 2-2
հաշվով): Քիչ անց ավարտվեց նաև մրցաշարի եզրափակիչ հանդիպումը, որտեղ
միմյանց հետ ուժերն էին չափում տանտերերը` Մյունխենի "Բավարիայի" ֆուտբոլիստները և
իսպանական "Բարսելոնան": Կատալոնական ակումբի փորձնական կազմը երիտասարդ ծագող գերաստղ Տիագո Ալկանտարայի դուբլի շնորհիվ հնարավորություն տվեց "Բարսելոնային" դառնալու այդ մրցաշարի հաղթողը՝ առաջ բերելով կատալանների երկրպագուների բուռն ցնծությունը:
