 Կատալոնական "Բարսելոնայի" նախկին նախագահը` Ժոան Լապորտան, հերթական անգամ հանդես է եկել ներկայիս նախագահ Սանդրո Ռոսսելին ստորացնող հայտարարությամբ` ասելով, որ ժամանակին հենց նա էր ուզում վաճառել այնպիսի առանցքային խաղացողների, ինչպիսիք են Չավին, Կառլես Պույոլն ու Վիկտոր Վալդեսը: "Ոչ բոլորդ գիտեք, որ իրականում Սանդրո Ռոսսելը ցանկացել է վաճառել այդ հրաշք խաղացողներին, որպեսզի եկամուտներ ստանա: Չեմ զարմանա եթե մի օր էլ նա որոշի վաճառել նաև Լեո Մեսսին, Սերխիո Բուսկետսին ու Անդրես Ինյեստային: Գիտեմ` այժմ նա շատ մտահոգված է, քանի որ ես կրկին որոշել եմ վերադառնալ իմ սիրելի ակումբ և փրկել այդ թիմը շատ վատ վիճակից",- ասել է Ժոան Լապորտան: |