Իսպանական "Վալենսիայի" ղեկավարությունն իր նախկին գլխավոր մարզիչ, իսկ այժմ անգործ մնացած տաղանդավոր մասնագետ Ռաֆայել Բենիտեսին հրավիրել է՝ ներկա գտնվելու Իսպանիայի առաջնության 5-րդ տուրի շրջանակներում կայանալիք կատալոնական "Բարսելոնայի" հետ հանդիպմանը, որը տեղի է ունենալու այս հինգշաբթի օրը` սեպտեմբերի 22-ին:

Հիշեցնենք, որ Բենիտեսի ղեկավարությամբ "Վալենսիան" նվաճել է "Լա Լիգայի" հաղթողի տիտղոսը երկու անգամ` 2002 և 2004թթ.-ին: Դա 21-րդ դարում գրանցված երկու եզակի մրցաշրջաններն են, երբ Իսպանիայի առաջնությունը հաղթել են ոչ "Ռեալը" կամ "Բարսելոնան": Ակնկալվում է, որ հանդիպումից առաջ Բենիտեսը դուրս կգա խաղադաշտ, որտեղ նրան նվեր կհանձնվի: