 Ինչպես տեղեկացնում է 4-4-2.com ֆուտբոլային կայքը, անգլիական "Մանչեսթեր Յունայթեդի" բուլղար հարձակվող Դիմիտար Բերբատովը հայտնվել է Սանկտ-Պետերբուրգի "Զենիթի" ուշադրության կենտրոնում: 30-ամյա Բերբատովի համար պիտերցիները պատրաստ են 15 մլն եվրո առաջարկել, մինչդեռ "կարմիր սատանաների" համար այդ գումարը լուրջ չէ, քանի որ ժամանակին Բերբատովին "Տոտենհեմից" գնել են 36 մլն եվրոյի դիմաց: Նշենք նաև, որ Բերբատովի ծառայություններով հետաքրքրվում են մի շարք ակումբներ, որոնց թվում հիշատակվում է թուրինյան "Յուվենթուսը", իսկ ահա իսպանական "Մալագան" էլ պատրաստ է 25 մլն առաջարկել Սըր Ալեքսի նախկին սիրելիի համար: |