 Բելգիական "Անդերլեխտի" երիտասարդ կիսապաշտպան Լուկաս Բիգլիան հայտարարել է, որ եթե Մադրիդի "Ռեալը" ցանկանա լրջորեն ձեռք բերել իրեն, ապա ամեն բան երկրորդ պլան կմղվի, իսկ ինքը մեծ սիրով կընդունի "Արքայական ակումբի" ցանկացած առաջարկ: "Ինձ հետ կապվել են Մադրիդի "Ռեալի" և Լոնդոնի "Արսենալի" ներկայացուցիչները: Թեև մինչև 2015թ.-ը գործող լավ պայմանագիր ունեմ, սակայն այս թիմում գիտեն, որ ես ցանկանում եմ հեռանալ: Արդեն հստակեցված է անգամ իմ տրանսֆերային փոխհատուցման գումարը",- ասել է 26-ամյա արգենտինացի ֆուտբոլիստը, ում ծառայություններով հետաքրքրվում է անձամբ Ժոզե Մոուրինյոն:
|