 Լոնդոնի "Չելսիի" նորանշանակ գլխավոր մարզիչ Անդրե Վիլլաշ-Բոաշը կարծում է, որ "Մանչեսթեր Սիթիի" տրանսֆերային քաղաքականությունն
արդար չէ Անգլիայի առաջնությունում վերջինիս մրցակիցների նկատմամբ. այս մասին հաղորդում է
Eurosport լրատվամիջոցը. "Պարզ երևում է, որ ակումբն այնպիսի
կազմ է հավաքում, որը կկարողանա պայքարել "Պրեմիեր լիգայի" տիտղոսի համար: Հնարավոր
է՝ միայն ես եմ իրավիճակն այդպես գնահատում, և ոչ ոք այդպիսի ներդրումներից հետո
չի զարմանա նրանց նպատակների վրա, բայց միայն Մանչինին կարող է խոսել այն
մասին, թե ինչ նպատակներ ունի իր թիմը: Անձամբ ինձ համար "Սիթիի" ձեռքբերումները թվում են բավականին հաջող, և ակումբը իսկապես դառնում է վտանգավոր անգլիական լիգայի համար",-Վիլլաշ-Բոաշի խոսքերն է մեջբերել "Չելսիի" պաշտոնական կայքը:
Հիշեցնենք, որ "Սիթին" երեկ
45 մլն եվրո վճարեց Մադրիդի "Ատլետիկոյին" Ագուերոյի
համար, ով տեղափոխվեց մի թիմ, որն արդեն հագեցած էր աստղերով: Մինչդեռ
Վիլլաշ-Բոաշի թիմն այս ամառային տրանսֆերային պատուհանի ժամանակ պայմանագիր է
ստորագրել միայն երկու ֆուտբոլիստի հետ և ծախսված գումարի տեսանկյունից
նրանց տրանսֆերները պարզապես անհամեմատելի է "Սիթիի" ձեռքբերումների հետ:
|