 Հեղինակավոր AP լրատվական գործակալությունը հաղորդում է, որ Իտալիայի առաջնության գործող չեմպիոն "Միլանի" առանցքային կիսապաշտպան Քևին-Փրինս Բոատենգը, ով "Ա Սերիայի" 10-րդ տուրի շրջանակներում հռոմեական "Ռոմայի" հետ կայացած հանդիպման ժամանակ (Խմբ. նշենք, որ այդ հանդիպումն ավարտվել է "ռոսոներիների" 3-2 հաշվով հաղթանակով) գլխավոր մրցավարի կողմից հեռացվել է խաղադաշտից, Իտալիայի ֆուտբոլի ֆեդերացիայի կողմից որակազրկվել է երկու խաղով: Որակազրկման հիմնական պատճառը եղել է այն, որ այդ հանդիպման ժամանակ գանացին վիրավորել է գլխավոր մրցավարին: Այս որակազրկման պատճառով Բոատենգը չի մասնակցի "Կատանիայի" և "Ֆիորենտինայի" հետ կայանալիք հանդիպումներին, որոնք կկայանան համապատասխանաբար նոյեմբերի 6-ին և 19-ին: Բացի Բոատենգից, "Միլանի" գլխավոր մարզիչը ևս տուգանվել է 5.000 եվրոյի չափով գլխավոր մրցավարի կայացրած որոշումները ոչ ճիշտ համարելու պատճառով: |