11:29 Բոնուչչին խոստացել է հաղթել նաև գերմանացիներին | |
 Ներկայիս Իտալիայի ազգային ընտրանու և Թուրինի "Յուվենթուսի" երիտասարդ ու տաղանդավոր կենտրոնական պաշտպան Լեոնարդո Բոնուչչին, ով երեկ "ԵՎՐՈ 2012"-ի 1/4 եզրափակչի շրջանակներում անցկացված խաղի ժամանակ ստիպված էր պայքարել անգլիացի գերհարձակվող Ուեյն Ռունիի դեմ, այսօր հայտարարել է, որ իրեն հաջողվեց չեզոքացնել "Ոսկե տղային", քանի որ իրենց մրցակիցը բավական տարօրինակ պաշտպանողական տակտիկա էր ընտրել, ինչի պատճառով էլ Ուեյն Ռունին ստիպված էր մի լավ հետուառաջ վազվզել:"Ռունին հոգնում էր շատ վազելուց: Նրան կանգնեցնելուն օգնեցին ոչ միայն խաղընկերներս, այլև անգլիացիների տակտիկան: Հաջորդ խաղում մեր մրցակիցը գերմանացիներն են, որոնք հիանալի թիմ ունեն, բայց մենք կհանգստանանք ու պատրաստ կլինենք հաղթելու նաև նրանց` թեկուզ կրկին հետխաղյա 11 մետրանոց հարվածաշարի միջոցով: Գերմանիայի ազգային ընտրանու կազմում ամենից վտանգավոր խաղացողը հարձակվող Մարիո Գոմեսն է, ում դեմ ես մի անգամ ակումբային մակարդակով եմ խաղացել: Կփորձեմ օգնել մեր ուժեղ թիմին, որպեսզի չեզոքացնենք Գերմանիայի ազգային ընտրանուն: Վստահ եմ մենք դուրս կգանք եզրափակիչ",- ասել է իտալացի պաշտպանը: Հավելենք, որ երեկ կայացած Իտալիա-Անգլիա խաղում հաղթողին որոշելու համար հարկավոր է եղել հետխաղյա 11 մետրանոց հարվածաշար, որտեղ էլ 4-2 հաշվով հաղթել են իտալացիները: | |
|
| |
| Total comments: 0 | |