09:14 Բրենոն սպառնում է "Բավարիային" | |
 Գերմանական ֆուտբոլի առաջատար "Բավարիան" ինքնատիպ խնդիրներ է ստեղծել թիմի բրազիլացի պաշտպան Բրենոյի համար` վերջինիս տեղափոխելով ակումբի երկրորդ թիմի կազմ: Նշենք, որ ֆուտբոլիստը չի կարողացել ներկայանալ թիմի հավաքին, որն անցնում է Քաթարում, քանի որ Բրազիլիայում այրվել էր Բրենոյի տունը: Սկզբնական շրջանում Բրենոն չէր կարող հեռանալ նաև սեփական երկրից, քանի որ մեղադրվում էր սեփական տունն այրելու ու երկրին վնաս հասցնելու մեջ: "Չգիտեմ` ինչու են Մյունխենում ինձ հետ այսպես վարվում: Ակումբի 2-րդ թիմն հաստատ ինձ համար չէ, ես ավելին եմ ցանկանում, ու եթե այսպես շարունակվի, հաստատ կհեռանամ "Բավարիայից", քանի որ վերջինս իմ նկատմամբ անարդար է վարվում",- ասել է բրազիլացի պաշտպանը: Հավելենք, որ այս հայտարարությունից հետո Բեռլինի "Հերտան" սկսել է հետաքրքրություն ցուցաբերել տաղանդավոր ֆուտբոլիստի հանդեպ:
| |
|
| |
| Total comments: 0 | |