12:31 Չավի. "Մենք պատրաստ ենք ամենուր հաղթել "Ռեալին" | |
 Կատալոնական "Բարսելոնայի" առանցքային կիսապաշտպան Չավին իսպանական AS պարբերականին տված հարցազրույցի ժամանակ հայտարարել է, որ Մադրիդի "Ռեալի" հետ այս շաբաթ կայանալիք սուպերկլասիկոյից առաջ կատալոնացիները հիանալի
մարզավիճակում են գտնվում:Չավին ընդգծել է, որ այս խաղի ընթացքում կարևոր դերակատարություն կունենա նաև մարզական բախտի գործոնը: Տեղեկացնենք, որ մադրիդցիներն ու կապտանռնագույններն Իսպանիայի ազգային առաջնության շրջանակներում հանդիպելու են շաբաթ կեսգիշերն անց` ապրիլի 17-ին: Իսպանիայի ազգային հավաքականի խաղացողն ասել է հետևյալը. "Ռեալի" հետ խաղից առաջ թիմը շատ լավ մարզավիճակում է: Մենք բոլորովին չենք հոգնել հաղթանակներից: Մեր ֆուտբոլիստները կարող են միևնույն արագությամբ խաղալ ողջ հանդիպման ընթացքում, այդիսկ պատճառով ես մտածում եմ, որ առաջնության որոշիչ փուլում մենք կարող ենք մարզադաշտ եկած երկրպագուներին արժանի խաղ ցուցադրել: Մենք վաղուց պատրաստ ենք հաղթել "Ռեալին" թե "Արքայական գավաթում", թե "Լա լիգայում", թե "Չեմպիոնների լիգայում", պարզապես մեզ հարկավոր կլինի նաև մարզական բախտի կարևոր գործոնի ճիշտ գործածումը": | |
|
| |
| Total comments: 4 | |
|
| |