23:31 "Չեմպիոնների լիգա". 1/8-րդ եզրափակիչ. ՄԱՍ 4 | |
 Այսօր Իտալիայի "Սան Սիրո" հայտնի մարզադաշտում իրար կբախվեն եվրոպական հզոր ֆուտբոլի երկու գրանդները. Իտալիայի անցած տարվա ուժեղ չեմպիոն "Միլանը", և Արսեն Վենգերի "որդիներով" համալրված "Արսենալը": Ինչպես հայտնում են իտալական առաջատար ԶԼՄ-ները, միլանցիների կազմում հաստատ ելույթ չեն ունենա ծանր վնասվածքներ ստացած Քրիստիան Աբբյատին, Անտոնիո Կասսանոն, Մարիո Յեպեսը, Ջենառո Գատուզոն, Ալեքսանդր Մերկելը, մինչդեռ "զինագործներին" չեն կարող օգնել Անդրե Սանթոսը, Դարեն Գիբբսը, Ջեկ Ուիլշերը, Դիաբին, Պիեր Մերտեզակերը և այլք:Եվրոպացի ֆուտբոլասերներն ակնկալում են, որ այս խաղն ավելի գեղեցիկ ու դիտարժան կլինի, քան երեկ կայացած "Բայեր"-"Բարսելոնա" մրցավեճը: "Չեմպիոնների լիգայի" 1/8 եզրափակիչ փուլի այս հանդիպման գլխավոր մրցավարն է լինելու տաղանդավոր հունգարացի Վիկտոր Կաշային, ով աչքի է ընկնում իր անաչառությամբ ու խստությամբ: Եթե անդրադառնանք բուն սպասվող խաղին, ապա հանգիստ կարելի է ասել, որ Արսեն Վենգերը հայտնվել է դժվարին իրավիճակում: "Զինագործների" երկրպագուները ֆրանսիացուց սպասում են չեմպիոնական հաղթանակներ, սակայն թիմը դեռևս չի կարողանում հաղթել: Արսեն Վենգերին քննադատում են նաև տրանսֆերային սխալ քաղաքականություն վարելու և երիտասարդ տաղանդներին արագորեն կորցնելու համար: Եթե "Արսենալը" այս անգամ էլ չհաղթի ինչ-որ բան, ապա ֆրանսիացուն այլևս չեն ների և կհեռացնեն թիմից: Այս անգամ ֆրանսիացուն կփորձի օգնել իր հայրենակիցը` "զինագործների" լեգենդ հանդիսացող Թյերի Անրին: Մասսիմիլիանո Ալեգրիի գլխավորած "Միլանն" էլ շատ բան ունի իր երկրպագուներին ապացուցելու. "ռոսոներիները" պետք է կարողանան ցույց տալ, որ իրենք կրկին հավակնում են "Չեմպիոնների լիգայի" գավաթին, քանի որ անցած տարի իսկական ֆիասկոյի ենթարկվեցին անգլիական ոչ գերհզոր "Տոտենհեմի" կողմից: Եթե այս տարի էլ "Միլանը" չկարողանա բոլորին ցույց տալ իր իրական ուժը, ապա "Չեմպիոնների լիգայի" 7-ակի հողթողի կոչումը կդառնա զուտ պատմական անցյալի լավագույն օրինակը և ոչ ավելին: Հավանական կազմեր. "Միլան". Ամելյա - Աբատե, Տիագու Սիլվա, Նեստա, Մեսբա - Վան Բոմմել, Ամբրոզինի - Նոչերինո, Ռոբինյո, Զեեդորֆ - Իբրահիմովիչ: "Արսենալ". Շչեզնի - Սանյա, Կոսելնի, Ջուրու, Վերմալեն - Ռոսիցկի, Սոնգ, Արտետա - Չեմբեռլեյն, Ուոլքոթ - Վան Պերսի: Աշխարհահռչակ William Hill բուքմեյքերական գործակալությունը "Միլանի" հաղթանակը գնահատում է 2.1 գործակցով, ոչ-ոքին` 3.3, իսկ "Արսենալի" հաղթանակն էլ գնահատվում է 3.4 գործակցով: Մեր կայքի` OnlyFootball.ucoz.com-ի կարծիքով` այս խաղում 3-1 հաշվով կհաղթի հենց դաշտի տերը` "Միլանը": | |
|
| |
| Total comments: 0 | |