Ձեր ուշադրությանն ենք ներկայացնում այսօր երեկոյան` Երևանի ժամանակով ժամը 23:45-ին, "Չեմպիոնների լիգայի" 1/8 եզրափակիչ փուլի շրջանակներում կայանալիք "Բավարիա"(Գերմանիա)-"Ինտեր"(Իտալիա) պատասխան հանդիպումը:

Առաջին հանդիպումը երկակի տպավորություն թողեց: Թիմերից և ոչ մեկին առավելություն տալ չի կարելի: Թիմային խաղով ավելի լավ տպավորություն էին թողնում  խաղացողները, սակայն Արյեն Ռոբենի անհատական վարպետության շնորհիվ թիմը կարողացավ կարևոր հաղթանակ տանել Իտալիայում` թեպետ Ռոբենը գոլի հեղինակ չդարձավ: "Ինտերի" կազմում կարելի է առանձնացնել կամերունացի հայտնի հարձակվող Սամուել Էտո'ոյին: Միլանյան ակումբը մի շարք լավ հնարավորություններ ուներ մրցակցի դարպասը գրավելու համար, սակայն դա տեղի չունեցավ: Եվ "Չեմպիոնների լիգայի"  ներկայիս նգավաթակիրներն ամեն կերպ կփորձեն հաղթել "Բավարիային" Մյունխենում, ինչը ամենահեշտ խնդիրներից չէ:

"Բավարիան"-Գերմանիայի առաջնության հերթական տուրում մյունխենյան ակումբը մասնատեց "Համբուրգին" "6-0 հաշվով: "Բավարիան" այն ակումբն է այս մրցաշրջանում, որի խաղը կանխագուշակել շատ դժվար է: Մյունխենցիները կարող են հաղթել ցանկացած ակումբի առանց բացառության: Գերմանական գրանդի կիսապաշտպանական գիծը համարում եմ ուժեղագույններից ողջ աշխարհում, իսկ երբ Ռոբենը տարերքի մեջ է, թիմը պարզապես ճախրում է խաղադաշտով: Առաջնությունում "Բավարիան" հաջողության հասնել, ամենայն հավանականությամբ, չի կարողանա, և ողջ ուշադրությունը կենտրոնացրած է "Չեմպիոնների լիգայի" խաղարկության վրա:

"Բավարիայի"  նախնական կազմը. Թոմաս Կրաֆտ, Լամ, Պրյանիչ, վան Բյուտեն, Գուստավո, Ռիբերի, Տոնի Քրոսս, Շվայնշտայգեր, Ռոբեն, Մյուլլեր, Գոմես:

"Ինտերի" նախնական կազմը. Սեզար, Մայկոն, Լուսիո, Ռանոկիո, Կիվու, Զանետի, Կամբիասո, Ստանկովիչ, Սնեյդեր, Պանդև, Էտո'ո:

Այս հանդիպման համար համաշխարհային բուքմեյքերական գործակալությունները սահմանել են հետևյալ գործակիցները. "Բավարիայի" հաղթանակ` 1.75, "Ինտերի" հաղթանակ` 4.10, ոչ-ոքի` 3.75: