15:38 "Չեմպիոնների լիգա". փլեյ-օֆֆ. պատասխան խաղեր. ՄԱՍ 6 | |
 Երեքշաբթի` 23:45 րոպե, "Օլդ Թրաֆֆորդ", գլխավոր մրցավար Վելասկո Կարբալյո(Իսպանիա):Տիեզերական "Օլդ Թրաֆֆորդն" իր վրա է կենտրոնացրել ֆուտբոլային Եվրոպայի ուշադրությունը: Անգլիական գրանդը Ֆրանսիայում չկարողացավ գոլ խփել` դրանով իսկ դժվարացնելով իր գործերը: Հերիք է միայն, որ "Մարսելը" մեկ հաջող հակագրոհ անցկացնի, և "Մանչեսթերը" կհայտնվի բարդ իրադրությունում: Այսօր Ֆերգյուսոնի ֆուտբոլիստները պետք է կարողանան ամենաքիչը երկու գնդակ խփել` իրենց ապահով զգալու համար: "Մանչեսթեր Յունայթեդ"-Ֆրանսիական "Մարսելի" դեմ պատասխան խաղից առաջ Սըր Ալեքս Ֆերգյուսոնը լուրջ խնդիրներ ունի կազմի հետ կապված: Հատկապես անհանգստացնող է պաշտպանության և կիսապաշտպանության կենտրոնը: Ֆերդինանդը հաստատ չի խաղալու, իսկ ահա Վիդիչի խաղադաշտ դուրս գալը մեծ հարցականի տակ է: Ֆլետչերը և Անդերսոնը վնասվածքներ ունեն, և կենտրոնում Ֆերգին պետք է լուծում գտնի: "Արսենալի" դեմ գավաթային հանդիպման ժամանակ կենտրոնում հանդես էին գալիս Ջոն Օ'Շին և Դարոն Գիբսոնը :Չնայած խաղացողները կարողացան հաջող հանդես գալ, սակայն "Չեմպիոնների լիգայում" նման զույգով հանդես գալը չափազանց ռիսկային է: Եթե կիսապաշտպանությունում Ֆերգյուսոնը որոշ տարբերակներ ունի, ապա պաշտպանության կենտրոնում ծայրաստիճան բարդ իրավիճակ է: Պաշտպանության կենտրոնի չորս խաղացողներից երեքը վնասվածքներ ունեն: Բրաուն-Սմոլինգ զույգը ակնհայտորեն ձախողվեց "Լիվերպուլի" հետ կայացած հանդիպման ժամանակ: Կարծում եմ, որ Սմոլինգի հետ այս անգամ կխաղա ունիվերսալ Ջոն Օ'Շին, ով նման բարդ իրավիճակներում միշտ օգտակար է գործում: Ուրախալի նորություններ ևս կան. Լուիշ Նանին և Մայքլ Քերիկը պատրաստ են հանդիպմանը, և սպասվում է, որ նրանք խաղադաշտում կլինեն հանդիպման առաջին իսկ րոպեներից: "Մանչեսթեր Յունայթեդի" նախնական կազմն ըստ մեր կայքի. վան Դեր Սար, Էվրա, Սմոլինգ, Օ'Շի, Ռաֆայել, Սքոուլզ, Կերիկ, Գիգզ, Նանի, Հերնանդես, Ռունի "Մարսել"-Ֆրանսիական ակումբը ոչնչով չզիջեց հեղինակավոր հակառակորդին սեփական հարկի տակ: Հաջող պաշտպանությունը դարձավ Դեշամի թիմի հաջող խաղի գրավականը: Ֆրանսիական ակումբի մարզիչը և ֆուտբոլիստների խաղից առաջ վստահորեն հայտարարել են, որ իրենք Անգլիա են մեկնում հերոսանալու համար: Դեշամը նշել է, որ իրենք ձգտելու են խաղալ հակագրոհների վրա և բաղձալի արդյունքի հասնել "Օլդ Թրաֆֆորդում": "Մարսելի" նախնական կազմն ըստ եվրոպական լրատվամիջոցների. Մանդանդա, Ֆանի, Դիավարա, Հայնցե, Տայվո, Մբիա, Շեյրու, Լուչո Գոնսալես, Ռեմի, Ժինյակ, Անդրե Այուվ Թիմերի միջև վերջին հանդիպումը "Օլդ Թրաֆֆորդում" տեղի է ունեցել 1999 թվականի սեպտեմբերի 9-ին, այն ժամանակ Խաղն ավարտվել է 2-1 հաշվով` հօգուտ դաշտի տերերի, իսկ գոլի հեղինակներ են դարձել Քոուլը(78), Սքոուլզը(82), Բակայոկոն(82): Համաշխարհային բուքմեյքերական գործակալություններն այս հանդիպման համար սահմանել են հետևյալ գործակիցները. "Մանչեսթեր Յունայթեդ"`1.48, "Մարսել"` 7.00, ոչ-ոքի` 3.85: Պատասխան հանդիպման կանխադեսումն ըստ onlyfootball.ucoz.com կայքի` 2-0: Հանդիպման մասին պատմող փոքրիկ տեսահոլովակ կարող եք գտնել կատալոգ բաժնում: | |
|
| |
| Total comments: 0 | |